Segundo a estatística que cada xoves publica La Región, o Antela transita pola parte baixa da clasificación de tarxetas recibidas; isto significa que é dos menos castigados: 42 en total, unha media de 3 por partido en 14 xornadas. Mais se excluímos aos adestradores, a cifra é de 36: 34 amarelas e 2 vermellas.
O domingo, diante do Seixalbo, non poderá xogar Tiago Teixeira. O central viu a quinta amarela en Muíños. Será o cuarto xogador do Antela obxecto de sanción no que vai de Liga.
Breixo, non puido disputar o primeiro partido da Liga por acumulación da pasada tempada. Andrés e Aarón, sufriron até hoxe as únicas expulsións. Ambas con cartón vermello directo: Andrés, estando no banco en Loñoá (e cumpriu co filial); mentres que Aarón, aos poucos minutos de entrar no partido en Cartelle, por xogo perigoso.
Teixeira viu amarelas nas xornadas 1, 7, 8, 12 e 14. A sanción cumpriraa na cita co Seixalbo, na que están baixo ameaza Jorginho, Caneiro e Pedro, que suman catro cartóns amarelos; a un da suspensión.
Outros dez xogadores viron amarelas, mais as tarxetas están tan repartidas que ningún deles suma máis de 2. O partido onde máis tarxetas recibiu o Antela foi o disputado en Celanova, na oitava xornada.
Pola súa parte, os adestradores recibiron tres amarelas cada un. O asistente, Juan Forri, dous no mesmo partido, na Uceira contra o Sporting Carballiño, polo que foi castigado cun partido de suspensión.
E polo que respecta ao próximo rival, o Seixalbo, é o que menos tarxetas recibiu despois do Sporting Celanova. Leva 28, dúas por xornada, as mesmas que viu no empate (4-4) no campo do Viana.
A ESTATÍSTICA
| xornada | amarelas | vermellas | ADESTRADORES | total |
| 1 | Pedro, Tiago | 2 | ||
| 2 | Cacharrón, Óliver | Andrés | 3 | |
| 3 | Cacharrón, Breixo | 2 | ||
| 4 | Boán, Lois, Jorginho, Cole | 4 | ||
| 5 | Boán, Antón | 2 | ||
| 6 | Jorginho, Cole | Bruno, Forri (2) | 5 | |
| 7 | Caneiro, Pedro, Tiago | 3 | ||
| 8 | Caneiro, Lois, Bruno Pío, Óliver, Tiago | Bruno | 6 | |
| 9 | Breixo | 1 | ||
| 10 | Jorginho, Pedro | Aarón | 3 | |
| 11 | Dinís | 1 | ||
| 12 | Peque, Caneiro, Dinís, Tiago | 4 | ||
| 13 | Jorginho | Bruno, Forri | 3 | |
| 14 | Caneiro, Pedro, Tiago | 3 |
