O club comunicoulle onte a baixa a Víctor Cacharrón Domínguez, dianteiro que acaba de cumprir os 22 anos e que disputou 8 partidos esta tempada co primeiro equipo anotando un gol. Cacharrón chegou o pasado verán procedente do Maceda, co que conseguira o ascenso a Primeira e a permanencia na categoría nas dúas campañas anteriores marcando un total de dezaseis goles en Liga.
O Antela agradece a Víctor Cacharrón o seu bo comportamento e o seu gran esforzo nestes catro meses na disciplina do club, así como a súa contribución á boa marcha do equipo. Desexámoslle a mellor das sortes no camiño cara aos seus obxectivos deportivos.
COMUNICADO DE PRENSA. Xinzo de Limia, 3 de xaneiro.