O Antela xuvenil xogará a final diante do Pabellón

Respondeu o público e responderon as afeccións dos doce equipos convidados na primeira xornada da Lethes Xuvenil Cup. O nivel da arbitraxe, con maioría de mulleres, foi excelente e os equipos apuraron a súa preparación nun torneo áxil e que cumpriu escrupulosamente os horarios entre os dous campos, o da Moreira e o Fernández Carrera.

Foi unha xornada con 18 partidos durante dez horas de fútbol a dobre banda, con xogos de 40 minutos que definiu as finais e finais de consolación a disputar durante a mañá do domingo a partir das dez.

O Antela de Juan Forri, coa presentación na Moreira de futbolistas que empezan a súa etapa xuvenil, gañou os seus tres partidos (2-0 ao Celanova; 3-0 ao Pereiro de Aguiar; e 1-0 ao Barbadás na semifinal) e disputará a final da copa de ouro diante do Pabellón, que superou ao Velle na semifinal aos penaltis (6-5).

A final pola copa de ouro Antela-Pabellón pechará este domingo (12,00 horas) o torneo. Antes xogaranse o resto de partidos de consolación e finais. Polo 3º e 4º posto pelexarán Barbadás e Velle (11,00). Ambos choques na Moreira, onde a xornada empezará coa final pola copa de prata, 5º e 6º postos, entre as Escolas Deportivas de Xinzo e o Raio 21 ás dez da mañá.

HOMENAXE A RAMÓN DE LA FUENTE