Despois da saída de Iván Gómez o luns, Juan Forri é novo adestrador do filial. O ascenso de Forri ao Antela B leva ao futbolista do primeiro equipo Nico Peruzzo a dirixir ao xuvenil, no que seguirá contando con Xurxo e Javi Pérez -futbolistas do filial- até agora axudantes de Forri. “Quen mellor que un home da casa para conducir ao filial! Dende o clube estamos encantados de seguir medrando con el. Desta maneira o organigrama do clube sofre lixeiras variacións pero a idea deportiva dos tres equipo vai pola mesma liña”, avanzou o club este xoves en redes sociais.
