A canteira toma a responsabilidade no primeiro equipo. Xabi Lamas e Adrián Lorenzo, Cole, asumen galóns e mostran as súas ambicións deportivas. “É unha oportunidade perfecta para nos enganchar na zona de play-off”, di Xabi antes do partido deste domingo co Cultural Areas. “O equipo está no mellor momento; o vestiario é unha piña”, engade Cole. Polo medio, outro reto, o Antela non perdeu un xogo na Moreira en todo o 2025: queda unha cita, a do domingo (16.30) contra o segundo clasificado da Liga.
