Un penalti fallado por Cole (antes Pedro fallara outro) na quenda final deixou ao Antela máis unha vez fóra da Copa. Foi nun clásico nocturno diante do Sporting Celanova, cun Mociño no banquiño e tres sobre o campo. Cun Antela que foi de máis a menos con seis limianos no once de saída. Marcou Outeiriño antes do descanso nun rebumbio na área pequena despois de ter fallado Tiago un penalti (o primeiro da noite). Empataron os visitantes cando o partido entraba no tramo final, porque os derbis son así: non hai rival pequeno inda que a semana pasada lle deras un repaso. Despois, nos penaltis, na mesma portería que os penaltis de hai catro anos contra o Barbadás (na contraria aos penaltis de hai ano e medio contra o Barco), o Celanova anotou catro dos cinco lanzamentos e xogará os cuartos a próxima semana contra o Polígono. Caeu o Antela, o favorito, mais estirou a súa serie de partidos invicto na Moreira. O domingo, na Queixeira renovada, outro choque ourensán, contra o Arnoia de Quintairos, Tumbeiro e Peral.
O Antela de Bruno non se traizoa
O Antela cae na Arnoia (1-0) nun xogo no que mereceu mellor resultado.