MOAÑA, 0; ANTELA, 1. Comentario: Un gol de Pedro Castro na primeira parte mantén enganchado o Antela ao pelotón de cabeza nunha xornada na que os 5 primeiros tiñan completado os seus compromisos con vitorias antes de que rematase o xogo dos limianos en Moaña (0-1). Gañaran o Atios, o Arnoia, o Areas, o Pontevedra B e o Lemos… e perdera o Porriño (o sexto). Os de Bruno Gómez escalan até esa posición empatados a 25 co Lemos (5º) e o filial granate (4º), ambos en posicións de play-off de ascenso. O soño limiano continúa. O Antela suma o seu sétimo triunfo e Pedro, o seu cuarto gol (en nove partidos) antes do choque da semana próxima na Moreira co Cultural Areas. Un partido de altura para pechar un gran 2025 na Moreira (restará despois a visita ao Umia, na penúltima xornada da primeira volta).
Ficha técnica: AQUÍ | Clasificación: AQUÍ.
Imaxe: Pablo L. Gil/@AntelaF.C.
