PERSONALIDADE. Joni, capitán do Antela, e Martín Caneiro e Brais Outeiriño, exfutbolistas do Velle, analizan a visita ao Monte da Aira deste domingo. “Partido moi, moi difícil”, coinciden. “Habera que ter personalidade e dominar o xogo a partir do balón”, subliñan.
Foi unha remontada de carácter diante dun rival que nunca se rendeu. Na segunda metade, con 0-1 abaixo, Codes derrubou o muro do Antas cun par de remates de ariete. Co 2-1 o Antela parecía ter os tres puntos amarrados, pero o Antas empatou rápido. E os de Forri tiveron que sufrir. A Moreira, a coraxe de Hugo Penabad e o acerto de Erik resolveron o choque. 🎥 Pablo Losada Gil.
Bruno Pío, Tiago Teixeira e Carlos dan o ton do estado anímico do Antela. Toca ir partido a partido. Concentrarse no inmediato. Mañá, o Melias. “Un equipo duro”, lembra Tiago, autor dun gol na primeira volta. “Preocúpame que o estado do campo poida favorecer o xogo directo deles”, advirte Bruno Pío. Mentres, Carlos subliña a melloría do Antela despois dun xaneiro difícil. “Estou xa ao nivel do resto”, afirma Carlos. “Estou listo para o que veña”, di Tiago. “Estou feliz acá e quero ascender co Antela”, remata Bruno.
